牙牙學語

一月一日、二零零七年
新一年又到了。我們(爸爸、媽媽、爺爺、嫲嫲)一起飲過早茶，便帶著鈞莛一起去咗中環皇后像廣場影相。由於當日是假期關係，街上佈滿了”賓賓姐姐”，好不容易才可以鑽進廣場影相。

當日Lesley非常興奮，不斷”昂”高個頭，然後張開大口，大聲嚷叫著”呀！呀！”樣子非常攪笑。但她的爸爸就非常緊張，擔心入”晒D風落肚喎！”真係杞人憂天！

其實最近鈞莛經常都在家裡牙牙學語。亦都開始認知及辨別東西。我在大廳的玻璃窗掛上”雪人”裝飾，又在她的睡房裡掛上了”青蛙”閙鐘。嫲嫲家裡也掛了”大鳥”公仔。當我講“Where is your snowman?” 她就立即向着窗口方向然後”擔”高個頭然後大叫”呀！”我又經常在大廳抱著Lesley然後”Where is your Froggy?”佢就成個人扭”晒”身，然後向著房間方向，示意我入房似的。當她看見Froggy便立刻腳”撑撑”及嚷叫著呢！

她又經常在嫲嫲家裡坐著她的私家座駕”風馳電製”。”Where is your Big Bird?”佢都懂得”飛車”過去Big Bird那邊，懶叻叻咁大力搖着大鳥的鈴鈴。當然要讚吓佢啦！”Very Good!”大人都耍reinforcement啦！何況BB﹗

"Bob" Look, stylist-Mother Florence

鈞莛除了遺傳了她爸爸的”Tan Look”外，她還跟他一樣，最討厭別人弄她的頭(髮) 。每當我用髮夾幫她整理頭髮的時候，必定引開她的注意，否則她的頭必定左”Fing”右”Fing” ，還很不滿意的樣子呢！
最近，她還得閒就摸吓自己D頭髮，當發現D硬嘢便立刻”蚊”走，然後掉落地。真有性格！所以我已經打消了幫她將留海留長的念頭。當她洗澡的時候，”襯”她一過不留神便將前面的留海剪短了。

站起來

上星期五(十二月八日)，爸爸從澳門回來休息一天。由於”姐姐”放假，我便將鈞莛放在BB床上，然後忙於收拾清潔。突然聽見，”你睇佢自己企起身呀！”當我走出來看的時候，她還搖擺不定還未能站穩呢！ 於是我便立刻放她臥在BB床上。 但是她好像”食過返尋味”，又再翻身。真的很好笑！她”掹”住床邊，然後好辛苦、好努力地”一二”、”一二”一下一下，慢慢地”吉”起身！最頂不住的是，她連企也不穩，還要好懶得戚的樣子拍手掌，好像要我們一起讚揚她呢！真攪笑！好彩，咁真貴嘅片段，當然迅速地拍攝下來啦！

黑白配

十一月二十六日(星期日)
幾經艱苦我才可以跟Karen 媽媽給她倆安排這次聚會。因為前陣子她們不約而同都生病了，當鈞莛剛病癒，跟著殷喬又生病了。上一次她們的約會是六月十七日，鈞莛才不過兩個多月。


你看！她們還很BB呢！
回想起當天，她們首次看見對方的時侯，最初還很愕然呢! 不久鈞莛便開始手舞足蹈，可能她太熱情興奮了。她的手不斷向殷喬襲擊，害得殷喬的嫲嫲立刻將殷喬抱起避免受傷。哈!哈! 她真厲害!

今次殷喬也不”輸蝕”呢! 她最初還有點陌生的，但後來更扯鈞莛的頭髮呢! 但當天可能”主場”關系，鈞莛表現頗佳，比較温柔。只有輕撫殷喬的小臉。

只不過短短的四個月她倆都改變不少，上次由得我倆擺佈影相但今次她倆舞來舞去想影幅合照也非常艱難吧！


說來真巧合！ 當我知道Karen媽媽(我的中一同學)懷孕的消息後，不久我都懷了鈞莛。所以鈞莛比殷喬只不過”年輕”三個星期罷了。我還記得我倆懷孕的時侯，某種原因下都不能接受鮮奶的味道，所以只好飲朱古力奶取替。你看！真的沒有跟據的！殷喬白”雪雪”的。至於鈞莛? 跟爸爸一樣擁有”健康”的膚色啊！！！

看!我倆的”殘”樣就可知道作為二十世紀的媽媽，又要工作又要照顧BB，多麽辛苦啊！

大表哥結婚了!

十一月二十二日， “林林”嘅大表哥結婚，我和爸爸帶著”姐姐”同”林林”一切出席。我一早已經買定條花女裙，準備當日可以幫”林林”映多”D”靚相。唉!佢真係非常之唔合作，去到”依依AT AT”，扭晒計！攪到無幅相靚！






睇真Ｄ!
唔係我嚟架!

呢幅同"九姨媽"映的

我呢個花女靚唔靚呀？

”靜”表姐一歲生辰

星期天係”靜”表姐一歲生辰。 爸爸、媽媽、公公、表哥、九姨媽和九姨丈, 我哋一起去舅父家幫表姐慶祝生日。
佢哋一起唱生日歌同切蛋糕，好開心呀！ 點解無我份？ 因為我太眼瞓，所以瞓緊覺囉！

我好返晒喇!!!

哈哈! 我好返哂喇! 足足發咗三日燒 + 出咗兩日疹! 爸爸、媽媽話好彩, 唔駛食"抗生素"。 你睇我"依家"幾精靈!!

鈞莛病倒了!

今次係鈞莛第一次真真正正病倒了!

星期一那天(十月三十一日), “姐姐”告訴我, 她整天睡著覺。星期二開始沒有胃口了, 連她最喜愛的 ”congee” 也提不起勁! 食兩啖已經作嘔！
星期四, Lesley發燒了。我立即帶佢睇醫生, 點知醫生未返。佢又突然燒到102度, 只好問Karen媽媽附近有無其他兒科醫生”頂住”先。 嗰個醫生真差勁!!!!!!!!!!!!!!又粗魯!!!!!!!!!!!!
佢一開就開消炎藥 – 註”抗生素”比Lesley。我問醫生可唔可以唔食”抗生素”, 剩係食退燒藥。
“唔得呀! 佢感冒, 喉嚨發炎, 耳背Ｄ淋巴腫晒, 佢應該出疹呀!”
我心想, 我剛才同醫生講, 佢無咳及流鼻水, 那會診斷佢感冒呢!
她只不過儉查她的內耳, 那有按過她的耳嘅後面, 何奈發現腫脹呢!
這個醫生太過妄斷了！！！
我回到家後, 集合了Annie媽媽和Karen媽媽的意見, 決定只給她退燒藥吧了!
鈞莛從未這麽”扭計”, 為難了我和嫲嫲都無覺瞓。半夜哭醒後, 怎樣都要嫲嫲抱著她睡, 一放下她就哭醒了!!!!
星期天, 她終於退嬈了。 我才放心帶她一起替嫲嫲補祝生日。不過, D “Virus” 開始從皮膚”發”出嚟! 我心想, 一定非常痕癢吧了! 當你看見佢”咁”眼瞓, 但又瞓唔到嗰種忟憎, 又大喊, 又扭晒腰。奶又唔肯食, 水”灌”都唔肯吞。(佢呀!醒到爆!好似嗽口咁, 用喉嚨”頂”住, 然後吐返哂出嚟!!!)
真係”肉都赤埋”, 另願自己病好過!!! (雖然我好明白呢個階段係必經嘅! 但係有D後悔帶佢嚟呢個世界! 做BB已經要捱苦啦!)

爸爸過咗澳門做嘢, 當然感受唔到我哋三個之苦啦! (“嫲嫲”、“媽媽”和”鈞莛”)

我足足有一個星期沒有好好的瞓一頓啦!!